‘ஆபீஸ்’ சீரியலில் நடித்த நடிகை மதுமிளாவின் அழகான குடும்ப புகைப்படம் தற்பொழுது இணையத்தில் வெளியாகியுள்ளது.
விஜய் தொலைக்காட்சியில் 2013ல் வெளியான சூப்பர் ஹிட் சீரியல் ‘ஆபீஸ்’. இத்தொடர் ரசிகர்கள் மத்தியில் மாபெரும் வரவேற்பு பெற்றது. கனா காணும் காலங்கள் தொடரின் தொடர்ச்சியாக பார்க்கப்பட்ட இந்த சீரியல் மூலம் பல்வேறு சின்னத்திரை நடிகர்கள் ரசிகர்கள் மத்தியில் பிரபலமடைந்தனர். இந்த தொடரில் லட்சுமி என்ற கதாபாத்திரத்தில் நடித்த ரசிகர்கள் மத்தியில் பிரபலமானவர் நடிகை மதுமிளா.
இத்தொடருக்கு முன்பாகவே இவர் மக்கள் தொலைக்காட்சியில் தொகுப்பாளினியாக பணியாற்றி வந்தார். இலங்கையை பூர்வீகமாகக் கொண்ட இவர் ஆரம்ப காலத்தில் மாடலிங் துறையில் இருந்து வந்தார். இதை தொடர்ந்து மக்கள் தொலைக்காட்சியில் தொகுப்பாளினியாய் பணியாற்றினார்.
ஆபீஸ் தொடருக்கு பின்னர் தாயுமானவன், அக்னி பறவை போன்ற சீரியலில் நடித்தார். இவரது சிறப்பான நடிப்பாலும், அழகான தோற்றத்தாலும் அவருக்கு சினிமாவில் நடிக்கும் வாய்ப்பு கிடைத்தது. இவர் முதன் முதலில் விஷால் நடித்த ‘பூஜை’ திரைப்படத்தில் விஷாலின் தங்கையாக நடித்தார். அதன் பின்னர் ரோமியோ ஜூலியட், மாப்பிள்ளை, சிங்கம் போன்ற பல படங்களின் துணை கதாபாத்திரத்தில் நடித்துள்ளார்.
இப்படி படங்களில் பிஸியாக நடித்துக் கொண்டிருக்கும் பொழுது திருமணம் செய்து கொண்ட இவர் வெளிநாட்டில் செட்டிலானார். சமீபத்தில் இவருக்கு ஒரு பெண் குழந்தை பிறந்தது. முன்பை விட சற்று எடை கூடியுள்ள நடிகை மதுமிளா தனது மகளுடன் எடுத்துக் கொண்ட புகைப்படங்களை தனது இன்ஸ்டாகிராம் பக்கத்தில் பதிவு செய்துள்ளார்.
இதோ அந்த புகைப்படங்கள்….
View this post on Instagram