நடிகர் விஜய்
தமிழ்த் திரைப்படத் துறையில் முதன்மை நடிகர்களுள் ஒருவராக வலம் வருபவர் நடிகர் விஜய். இவருக்குப் புலம்பெயர்ந்த இந்தியர்கள் உட்பட சீனா, ஜப்பான், ஐக்கிய இராச்சியம் மற்றும் பிரான்சு ஆகிய நாடுகளில் ரசிகர்கள் உள்ளனர். இவரது படங்கள் ஐந்து கண்டங்கள் மற்றும் எண்பது நாடுகளில் வெளியாகி உள்ளன. விஜய் தனது 10வது வயதில் வெற்றி (1984) என்ற திரைப்படத்தில் குழந்தை நடிகராக அறிமுகம் ஆனார்.
பின்னர் அவரது தந்தையும், இயக்குனருமான எஸ்.ஏ.சந்திரசேகர் இயக்கிய ‘இது எங்கள் நீதி’ (1988) திரைப்படம் வரை குழந்தை நடிகராகத் தொடர்ந்து நடித்து வந்தார். பின்னர் 18ம் வயதில் தன் தந்தை இயக்கிய நாளைய தீர்ப்பு (1992) படத்தில் முதன்முறையாக முதன்மை நடிகராக நடித்தார். ஆனால் விக்ரமன் இயக்கிய பூவே உனக்காக (1996) திரைப்படம் தான் இவருக்குத் திருப்புமுனையாக அமைந்தது. இன்று வரை விஜய் கதாநாயகனாக 62 திரைப்படங்களில் நடித்துள்ளார்.
மேலும் 3 தமிழக அரசு திரைப்பட விருதுகள், 1 காஸ்மோபாலிடன் விருது, 1 இந்தியா டுடே விருது, 1 சிமா விருது, 8 விசய் விருதுகள், 3 எடிசன் விருதுகள், 2 விகடன் விருதுகள் உட்பட 50 விருதுகளை வென்றுள்ளார். ஒரு முறை ஐக்கியப் பேரரரசின் நாட்டு திரைப்பட விருதுகளுக்கும் பரிந்துரைக்கப்பட்டுள்ளார். இவர் நடிப்பில் தற்போது லியோ திரைப்படம் உருவாகி வரும் நிலையில், இந்த படத்தை தொடர்ந்து அடுத்ததாக வெங்கட் பிரபு இயக்கத்தில் உருவாகும் தளபதி 68 என்ற படத்தில் விஜய் நடிக்க உள்ளதாகவும் தகவல் வெளியாகியுள்ளது. நடிகர் விஜய் கடந்த 1999ஆம் ஆண்டு சங்கீதா என்பவரை திருமணம் செய்துகொண்ட நிலையில், இவர்களுக்கு இரு பிள்ளைகள் இருக்கின்றனர்.
சங்கீதாவின் இலங்கை வீடு
அவரது மனைவி சங்கீதா இலங்கையில் பிறந்தவர் என்பது அனைவரும் அறிந்த ஒன்றே. இந்த நிலையில், இலங்கையில் உ ள்ள சங்கீதா வீட்டின் புகைப்படங்கள் தற்போது வெளியாகி வைரலாக பரவுகிறது. ஆனால், தற்போது வேறொருவர் இந்த வீட்டை வாங்கிவிட்டதாகவும் தகவல் வெளிவரும் நிலையில், இதோ அந்த வீட்டின் புகைப்படங்கள்…
