தமிழ் சினிமாவில் மிகவும் பிரபலமான இயக்குநர்களில் ஒருவர் இயக்குனர் ஹரி. இவர் பிரசாந்த் ,சிம்ரன் நடிப்பில் 2002 ஆம் ஆண்டு வெளியான ‘தமிழ்’ படத்தின் மூலமாக தமிழ் திரையுலகில் இயக்குனராக அறிமுகமானார்.
அதன் பிறகு நடிகர் சூர்யாவுடன் கைகோர்த்து அடுத்தடுத்து பல வெற்றி படங்களை கொடுத்து மக்கள் மத்தியில் மிகுந்த வரவேற்பு பெற்றார்.சூர்யா மற்றும் விக்ரம் போன்ற நடிகர்களை மிகப்பெரிய அளவில் வளர்த்து விட்டார் இயக்குனர் ஹரி.
இவர் தமிழில் சாமி ,கோவில், அருள், சாமி ஸ்கொயர் ,சிங்கம் 1, 2 ,3 போன்ற பல படங்களில் வெற்றி படங்களை இயக்கியுள்ளார்.தமிழ் சினிமாவில் ஆக்ஷ்ன் படங்களுக்கு பெயர் போனவர் என்றால் அது இயக்குனர் ஹரி. இயக்குனர் ஹரி பிரபல நடிகரான விஜயகுமார் மகள் ப்ரீத்தா என்பவரை திருமணம் செய்து கொண்டார்.
இவர்களுக்கு மூன்று ஆண் குழந்தைகள் உள்ளனர். இந்நிலையில் இவரின் மூத்த மகன் ஶ்ரீராம் ஹரி, ‘HUM’ என்ற பைலட் பிலிம் ஒன்றை இயக்கி, அதை யூடியூப்பில் வெளியிட்டுள்ளார். இதில் ஶ்ரீதேவி விஜயகுமார் சிறப்பு வேடத்தில் நடித்துள்ளார்.தற்போது இவருக்கு அனைவரும் வாழ்த்து கூறி வருகின்றனர்.
