இயக்குனர் பா.ரஞ்சித் கடந்த 2012 ஆம் வருடத்தில் அட்டகத்தி என்ற திரைப்படத்தை இயக்கி தமிழ் திரையுலகில் இயக்குனராக அறிமுகமானார். அத்திரைப்படத்தில், நடிகர் தினேஷை அறிமுகப்படுத்தியிருந்தார்.
நடிகை, ஐஸ்வர்யா ராஜேஷ், நந்திதா ஸ்வேதா உட்பட பலர் நடித்து காதல் கலந்த காமெடி திரைப்படமாக வெளிவந்த அட்டகத்தி, ரசிகர்கள் மத்தியில் வரவேற்பை பெற்றிருந்தது. அதனை தொடர்ந்து, இயக்குனர் பா.ரஞ்சித் மெட்ராஸ், கபாலி, காலா, பரியேறும் பெருமாள், சார்பட்டா பரம்பரை, பொம்மை நாயகி, ப்ளூ ஸ்டார் உட்பட பல திரைப்படங்களை இயக்கி முன்னணி இயக்குனராக வலம் வருகிறார்.
இந்நிலையில், பா.ரஞ்சித்தின் புதிய திரைப்படம் குறித்து வலைப்பேச்சு சக்திவேல் தகவல் வெளியிட்டுள்ளார். அவர் கூறியிருப்பதாவது, பா ரஞ்சித் தற்போது புதிய திரைப்படம் ஒன்றை இயக்குகிறார். அதனைத்தொடர்ந்து அவர் ஒரு இந்தி திரைப்படத்தை இயக்கவுள்ளதால், சுமார் 45 நாட்களுக்குள் அந்த படத்தை இயக்கி முடிக்க உள்ளார்.
அந்த திரைப்படத்தில் அட்டகத்தி தினேஷ் தான் கதாநாயகனாக நடிக்கிறார். கேங்ஸ்டர் கதைக்களத்தை கொண்டு இத்திரைப்படம் உருவாகவுள்ளது. அட்டகத்தி தினேஷ் உங்கள் எடையை குறைப்பதற்காக உடற்பயிற்சி செய்து வருகிறார் என்று கூறியுள்ளார்