தமிழ் சினிமாவில் முன்னணி நடிகர்களில் ஒருவராக கொடி கட்டி பறந்து கொண்டிருப்பவர் தான் இளைய தளபதி என்று அனைவராலும் அறியப்படும் விஜய். இவரின் இயற்பெயர் ஜோசப் விஜய்.
இவரின் தந்தை எஸ் ஏ சந்திரசேகர் தமிழ் திரைப்பட இயக்குனர். அதனைப் போலவே தாயார் சோபாவும் பின்னணி பாடகி ஆவார்.
விஜய் தன்னுடைய 10 வயதில் வெற்றி என்ற திரைப்படத்தில் குழந்தை நட்சத்திரமாக அறிமுகமானார்.
அதனைத் தொடர்ந்து தன்னுடைய 18 வயதில் நாளைய தீர்ப்பு என்ற திரைப்படத்தில் கதாநாயகனாக அறிமுகமானார்.
பின்னர் தன்னுடைய தந்தை இயக்கத்தில் நடித்து வந்த விஜய் முதன் முறையாக ஜானகி சௌந்தர் இயக்கத்தில் ராஜாவின் பார்வையிலே என்ற திரைப்படத்தில் நடித்தார். அந்தத் திரைப்படத்தில் அஜித்தும் நடித்திருந்தார்.
விஜய் திரைத்துறைக்கு வந்த போது தொடர்ந்து பல படங்கள் தோல்வியை கொடுத்தாலும் காதல் சம்பந்தமான படங்களில் விஜய் வெற்றி கண்டார்.
இளைய தளபதி என்று அனைவராலும் அன்பாக அழைக்கப்படுகிறார். இதுவரை விஜய் 66 திரைப்படங்களில் நடித்துள்ள நிலையில் அடுத்ததாக தளபதி 67 திரைப்படத்தில் நடித்து வருகின்றார்.
இவரின் நடிப்பில் இறுதியாக வெளியான வாரிசு திரைப்படம் வசூல் ரீதியாகவும் விமர்சன ரீதியாகவும் ரசிகர்கள் மத்தியில் நல்ல வரவேற்பை பெற்றது.
அடுத்ததாக தற்போது லோகேஷ் கனகராஜ் இயக்கத்தில் லியோ திரைப்படத்தில் விஜய் நடித்து வரும் நிலையில் படப்பிடிப்பு தற்போது இறுதி கட்டத்தை எட்டியுள்ளது.
இந்த திரைப்படத்தில் விஜய்க்கு ஜோடியாக திரிஷா நடித்து வருகிறார். இந்நிலையில் விஜய் நேற்று தனது 49 வது பிறந்த நாளை கொண்டாடினார்.
இதனிடையே ரசிகர்களுக்கு இன்ப அதிர்ச்சி கொடுக்கும் விதமாக நள்ளிரவு 12 மணிக்கு லியோ திரைப்படத்தின் பர்ஸ்ட் லுக் போஸ்டர் வெளியிடப்பட்டது.
அதனைத் தொடர்ந்து நேற்று மாலை லியோ திரைப்படத்தின் பாடல் ஒன்றை வெளியிடப்பட்டது.
இதனைத் தொடர்ந்து விஜயின் பிறந்தநாளை முன்னிட்டு திரை பிரபலங்கள் பலரும் விஜையுடன் நெருக்கமாக எடுத்துக் கொண்ட புகைப்படங்களை பகிர்ந்து அவருக்கு வாழ்த்து தெரிவித்துள்ளனர். அந்த புகைப்படங்கள் தற்போது இணையத்தில் வைரலாகி வருகின்றது.
